«shavkat mirziyoyev» tegli maqolalar
RF va O‘zbekiston Afg‘oniston rahbariyati bilan ishlash bo‘yicha yaqin pozitsiyaga ega — Sergey Lavrov
RF tashqi ishlar vaziri Sergey Lavrov prezident Shavkat Mirziyoyev bilan uchrashuvi yakunida Rossiya O‘zbekiston bilan Afg‘onistondagi mavjud voqelikni tan olish va hozirgi rahbariyat bilan shu haqiqatlarga asoslanib ishlash kerakligi borasida juda yaqin pozitsiyaga egaligini ma’lum qildi.
Prezident anomal issiqda paxta hosilini saqlab qolish uchun «dolzarb 30 kunlik» e’lon qildi
Anomal issiq paxtachilik uchun favqulodda vaziyat, lekin barcha imkoniyatlarni safarbar qilib, hosilni saqlab qolish zarur, dedi prezident. Shavkat Mirziyoyev barcha hududlarda g‘o‘zani parvarishlash bo‘yicha ko‘rsatmalarni amalga oshirish uchun «dolzarb 30 kunlik» e’lon qildi.
Shavkat Mirziyoyev Afg‘oniston hukumatini terroristik tashkilotlar bilan aloqalarni uzishga chaqirdi
O‘zbekiston prezidenti Afg‘oniston muvaqqat hukumatini xalqaro terrorchilik tashkilotlari bilan aloqalarni uzishga chaqirdi. Bu haqda u Afg‘oniston TIV rahbari v.b. Amirxon Muttaqiy ishtirok etayotgan xalqaro konferensiya ishtirokchilariga yo‘llagan murojaatida ta’kidladi.
Ramzan Qodirov Shavkat Mirziyoyevga ikkita ot sovg‘a qildi
24 iyul kuni O‘zbekiston prezidenti Shavkat Mirziyoyevni tug‘ilgan kuni bilan qo‘shni davlatlar rahbarlari, shuningdek, Ozarbayjon, Belarus, Rossiya va Turkiya rahbarlari tabrikladi. Checheniston rahbari Ramzan Qodirov unga ikkita ot sovg‘a qildi.
Prezident 20-avgust kuni tadbirkorlar bilan muloqot qiladi
20-avgust — Tadbirkorlar kunida prezident ishbilarmon doira vakillari bilan navbatdagi ochiq muloqotni o‘tkazadi. Taklif va savollar iyul oxiriga qadar qabul qilinadi.
Shavkat Mirziyoyev shu hafta SHHTga a’zo davlatlar TIV rahbarlarini qabul qiladi — Sherzod Asadov
Shu hafta Shavkat Mirziyoyev SHHTga a’zo davlatlar TIV rahbarlarini qabul qiladi, Afg‘oniston bo‘yicha xalqaro konferensiya ishtirokchilariga esa murojaat yo‘llaydi, deb xabar qildi prezident matbuot kotibi. Sherzod Asadov shuningdek, davlat rahbarining tug‘ilgan kuni qanday o‘tgani haqida ham ma’lumot berdi.
Ichimlik suvi tarmoqlari ta’mirlanayotganda aholiga suv transportda yetkazib beriladi
Ichimlik suvi ta’minoti to‘g‘risidagi qonun prezident tomonidan imzolandi. Unga ko‘ra, aholining sifatli ichimlik suvi bilan ta’minlanishi davlat tomonidan kafolatlanadi. Shu bois, ichimlik suvi tarmoqlari ta’mirlanayotganda hamda avariyaviy holatlarda aholiga suv transportda yetkazib beriladi.
Vladimir Putin Shavkat Mirziyoyevni orden bilan mukofotladi
Prezident Shavkat Mirziyoyev Rossiyaning Aleksandr Nevskiy ordeni bilan taqdirlandi. Tegishli farmon shanba kuni RF prezidenti Vladimir Putin tomonidan imzolandi.
Markaziy Osiyoning tinchligi va farovonligi hamjihatligimizga bog‘liq — Shavkat Mirziyoyev
Shavkat Mirziyoyev Qirg‘izistondagi sammitda Markaziy Osiyo tinchligi va barqarorligi o‘zaro hamjihatlik, mintaqa umumiy manfaatlarini himoya qilish bo‘yicha qat’iy choralar ko‘rishga tayyorligiga bog‘liqligini ta’kidladi. Prezident iqtisodiy, ekologik va gumanitar sohalarda qator tashabbuslarni ham ilgari surdi.
Qoraqalpog‘iston deputatlari prezidentdan favqulodda holatni yumshatishni so‘ramoqda
Qoraqalpog‘iston Jo‘qorg‘i Kengesi O‘zbekiston prezidentiga murojaat yo‘llab, favqulodda holatni yumshatishni so‘radi. Avvalroq «Yangi O‘zbekiston» gazetasi murojaatda aybsiz fuqarolarni, xususan, yoshlarni afv etish so‘ralgani haqida yozgandi, biroq, oradan vaqt o‘tib xabar tahrirlandi.
O‘zbekiston yuklarni Poti va Batumi portlari orqali tashishni rejalashtirmoqda
Seshanba kuni Shavkat Mirziyoyev Gruziya bosh vazirini qabul qildi. Irakliy Garibashvili O‘zbekistonni nafaqat ishonchli hamkor, balki do‘st deb ham atadi. O‘zbekiston Gruziyaning tranzit salohiyati, jumladan, yuklarni eksport va import qilishda Batumi va Poti portlaridan foydalanishni rejalashtirmoqda.
10 kun ichida Vazirlar Mahkamasi, vazirliklar va hokimiyatlar ish uslubini o‘zgartiradi
Shavkat Mirziyoyev dushanba kungi videoselektorda bundan buyon yig‘ilish va qarorlar kamaytirilishi, asosiy e’tibor ijro va aholi muammolariga qaratilishini ma’lum qildi. Vazirlar Mahkamasi, vazirlar va hokimlar 10 kun ichida o‘z strukturasi va ish uslubini o‘zgartirishi shartligi ta’kidlandi.
O‘zbekistonda 2,6 mlnta aholi xonadonida kadastr mavjud emas
O‘zbekistonda 2,6 mlnta aholi xonadonida kadastr hujjatlari yo‘q, shu bois ular yer solig‘ini 3 karra miqdorda to‘layapti. Prezident 1 oktabrgacha ularning ro‘yxatini shakllantirishni buyurdi. Hukumat tegishli qonun loyihasini ishlab chiqish orqali kadastri yo‘q uylar masalasini uzil-kesil hal qilmoqchi.
Turkmaniston bilan 19 ta hujjat imzolandi
Turkmaniston prezidentining O‘zbekistonga tashrifi yakunlari bo‘yicha 19 ta hujjat, jumladan, Amudaryo suv resurslarini boshqarish, muhofaza qilish va ulardan oqilona foydalanish to‘g‘risida, transport va tranzit hamkorlikni rivojlantirish to‘g‘risidagi bitimlar imzolandi.
O‘zbekiston Turkmanistondan elektr energiyasi, gaz va neft mahsulotlarini olib kirishdan manfaatdor
O‘zbekiston va Turkmaniston prezidentlarining kengaytirilgan tarkibdagi muzokaralarida O‘zbekiston energetika sohasida, jumladan, Turkmanistondan elektr energiyasi, gaz va neft mahsulotlarini yetkazib berish bo‘yicha hamkorlikni kengaytirishdan manfaatdorligini bildirdi.
Turkmaniston prezidenti davlat tashrifi bilan O‘zbekistonga keladi
14−15 iyul kunlari Turkmaniston prezidenti Serdar Berdimuhamedov davlat tashrifi bilan O‘zbekistonga keladi. U prezident Shavkat Mirziyoyev bilan muzokaralar o‘tkazadi va Samarqandga boradi.
Hududlarning bosh va master rejalari 3 bosqichda ishlab chiqiladi
Prezident loyihalash va qurilish sohasida yangi tizimni e’lon qildi. Hududlarning bosh va master rejalarini ishlab chiqish bo‘yicha Respublika kengashi tuzilmoqda. Ular 3 bosqichda tashkil qilinadi. Bosh arxitektor lavozimi joriy etildi, shaharsozlik qoidalaridan 147 ta norma va boshqalar chiqarib tashlanmoqda.
Prezident kuchishlatar tuzilmalarning Nukusdagi harakatlariga baho berish bo‘yicha topshiriq berdi
Shavkat Mirziyoyev Qoraqalpog‘istondagi namoyishlarda o‘z yaqinlarini yo‘qotgan oilalarga hamdardlik bildirdi. Davlat rahbari voqealarda ishtirok etgan barcha tomonlar harakatiga adolatli baho berishni topshirdi. Kuch tuzilmalari tomonidan noto‘g‘ri kuch ishlatilgan bo‘lsa, jinoiy javobgarlik ta’minlanishi aytildi.
Vladimir Putin Qoraqalpog‘istonda ko‘rilgan qat’iy choralarni qo‘llab-quvvatladi
Shavkat Mirziyov va Vladimir Putin o‘rtasidagi telefon orqali muloqotda Rossiya prezidenti davlat rahbari tomonidan Qoraqalpog‘istondagi vaziyatni barqarorlashtirish bo‘yicha ko‘rilgan qat’iy choralarni qo‘llab-quvvatlashini ta’kidladi.
O‘zbekiston va Tojikiston prezidentlari telefon orqali muloqot qildi
Tojikiston prezidenti Emomali Rahmon O‘zbekiston rahbari Shavkat Mirziyoyev bilan telefon orqali muloqotda mamlakat rahbariyatining Qoraqalpog‘istonda barqarorlikni ta’minlash bo‘yicha sa’y-harakatlarini qo‘llab-quvvatlashini bildirdi.
Eng ko‘p o‘qilgan xabarlar | So‘nggi yangiliklar
- O‘zbekistonliklar muhandislik sohasi bo‘yicha Germaniyaga ishga taklif qilinmoqda
- Jurnalist Ruxsora G‘ofurova ishi sudga oshirildi (1)
- Foto: Mudofaa vazirligining xalqaro ko‘rgazmadagi harbiy texnikalari
- Kambag‘al oilalarga tadbirkorlik bilan shug‘ullanish uchun foizsiz ssudalar ajratiladi
- Futbol: O‘zbekiston U-20 Osiyo kubogida Erondan uchralgan mag‘lubiyatga qaramay, chorak finalga chiqdi (video, foto)
Qo‘shimcha imkoniyatlardan foydalanish uchun saytda ro‘yxatdan o‘ting